பஞ்சமி

திதி என்பது சூரியனுக்கும் சந்திரனுக்கும் இடைப்பட்ட தூர அளவை வைத்து கணக்கிடப்படுவதாகும். ஒரு திதியின் அளவு என்பது 12 பாகை ஆகும். வான் மண்டலத்தில் கிரகங்கள் சூரியனை நீள்வட்ட பாதையில் சுற்றி வருகின்றன. நீள் வட்டப்பாதையின் அளவு 360 பாகை ஆகும். ஜோதிடத்தில் வளர்பிறை திதிகள் 15 மற்றும் தேய்பிறை திதிகள் 15 என மொத்தம் 30 திதிகள் உள்ளன. இதன் அடிப்படையில் ஒரு திதியின் அளவு என்பது 12 பாகை ஆகும். வளர்பிறை பஞ்சமி திதியின் அளவு 48 பாகை முதல் 60 பாகை வரை ஆகும். தேய்பிறை பஞ்சமி திதியின் அளவு 228 பாகை முதல் 240 பாகை வரை ஆகும். பஞ்சமி திதியின் கிரகம் குரு ஆவார். பஞ்சமி திதியின் தேவதை சர்ப்பம் ஆதிசேஷன். மிதுனம் மற்றும் கன்னி ஆகிய இரண்டு ராசிகள் திதி சூனியம் அடைகின்றன.

பஞ்சமி திதியில் செய்யக்கூடிய காரியங்கள்:

1. நாக வழிபாடு
2. கருடர் வழிபாடு
3. பயணம்
4. வேதம் கற்றல்
5. உபநயனம்
6. திருமணம்
7. தேவதா பிரதிஷ்டை
8. சாந்தி செய்தல்
9. புஷ்டி தரும் காரியங்கள்
10. பஞ்சமி திதியில் செய்யப்படுகின்ற செயல்கள் நீண்ட காலம் நிலைத்து இருக்கும்.

இது பொதுவான செயலாகும். தங்களின் தனிப்பட்ட ஜாதக அமைப்பின்படி மேல் குறிப்பிட்டுள்ள செயல்களை ஜோதிடரின் ஆலோசனையின் அடிப்படையில் தேர்ந்தெடுத்து செய்யவும்.